Alcides Arguedas

Nofelydd, newyddiadurwr, cymdeithasegydd, hanesydd, gwleidydd a diplomydd Bolifiaidd oedd Alcides Arguedas (15 Gorffennaf 1879 – 8 Mai 1946).

Ganwyd yn La Paz, Bolifia. Astudiodd gymdeithaseg ym Mharis, a chychwynnodd ar yrfa wleidyddol. Cynrychiolodd ei wlad yn Llundain, Paris, Colombia, a Feneswela, a bu'n arweinydd y Blaid Ryddfrydol ac yn gwasanaethu'n ddirprwy ac yn seneddwr. Fe'i penodwyd yn weinidog amaeth yn 1940. Ysgrifennodd sawl nofel am frodorion Bolifia, gan gynnwys ''Raza de bronce'' (1919), un o weithiau cyntaf y mudiad ''indigenismo''. Mae Arguedas hefyd yn nodedig am astudiaethau ysgolheigaidd megis ''Pueblo enfermo'' (1909) ac ''Historia general de Bolivia'' (1922). Bu farw yn Chulumani yn 66 oed. Darparwyd gan Wikipedia